Aħna, iċ-ċittadini Ewropej, neżiġu teknoloġija li taqdina, minflok ma tpoġġi lilna, lill-komunitajiet tagħna u lid-demokraziji tagħna f’riskju.

Nitolbu li jitwaqqaf il-mudell kummerċjali distruttiv tal-kumpaniji tat-teknoloġija kbar, li dawru d-data tagħna stess f’armi kontrina.

Nitolbu internet aħjar, fejn iċ-ċittadini jkunu jistgħu jaċċessaw infrastruttura u informazzjoni essenzjali, u jgawdu mill-konnessjoni u l-parteċipazzjoni, mingħajr ma jispiċċaw sempliċement prodotti f’ekonomija ta’ sorveljanza insidjuża.

Nappellaw għal dinja fejn l-ebda grupp żgħir ta’ biljunarji ma jkun jista’ jaġġusta algoritmu u jibdel id-destin ta’ biljuni ta’ persuni mingħajr restrizzjonijiet jew biża’ ta’ konsegwenzi.

Inħeġġu lil dawk kollha involuti fl-iskrutinju u l-adozzjoni tal-leġiżlazzjoni fl-Ewropa biex iżżommu maċ-ċittadini li tirrappreżentaw u tieħdu l-miżuri kollha meħtieġa biex jitrażżnu l-abbużi tal-kumpaniji tat-teknoloġija kbar filwaqt li tiddefendu d-drittijiet fundamentali taċ-ċittadini, b’mod partikolari - il-libertà tal-kelma għal kulħadd.

Infakkrukom li xogħolkom hu li tipproteġu lilna, iċ-ċittadini, u mhux il-profitti ta’ kumpaniji tat-teknoloġija enormi li joperaw b’impunità fi ħdan il-fruntieri tagħna.

L-ewwel pass importanti huwa Att dwar is-Servizzi Diġitali b’saħħtu li jservi bħala l-ewwel linja ta’ difiża kontra l-ħsara li jagħmlu l-kumpaniji tat-teknoloġija kbar. Dan għandu:

1. Jitfi l-magna tal-manipulazzjoni

Is-sistemi u l-algoritmi ta’ rakkomandazzjoni tossiċi tal-kumpaniji tat-teknoloġija kbar qed jamplifikaw id-diskors ta’ mibegħda u d-diżinformazzjoni - jisfruttaw kull difett tas-soċjetà b’sorveljanza bla waqfien biex jimmassimizzaw l-“interazzjoni”. Dawn ir-riskji sistemiċi huma maħluqa mhux biss minn atturi esterni iżda huma karatteristika ta’ mudell kummerċjali bla kuxjenza u bla etika. Wasal il-waqt li dawn il-pjattaformi jneħħu r-riskju mit-tfassil tagħhom, inaddfu l-algoritmi tagħhom, jagħtu lill-utenti kontroll reali fuqhom u jinżammu responsabbli fin-nuqqas ta’ dan.

2. Iwaqqaf is-sorveljanza għall-profitt

Ġejna ingannati biex nagħtu “kunsens” għas-sorveljanza. Qatt ma ngħatajna għażla sinifikanti. L-Att dwar is-Servizzi Diġitali u l-Att dwar is-Swieq Diġitali għandhom itemmu r-reklamar ta’ sorveljanza li qatt ma talbuh iċ-ċittadini. L-użu ta’ servizzi diġitali m’għandux ikun bil-kundizzjoni li taċċetta sorveljanza u ġbir ta’ profili. Barra minn hekk, nitolbu trasparenza fl-aspetti kollha ta’ reklamar online u fl-infurzar tad-drittijiet tad-data tagħna biex tassew isiru realtà.

3. Iċ-ċittadini jerġgħu jingħataw il-poter

Il-kumpaniji tat-teknoloġija kbar ma jistgħux ikomplu jieħdu d-deċiżjonijiet kollha huma, bla restrizzjonijiet. L-Att dwar is-Servizzi Diġitali għandu joħloq setgħat aktar b’saħħithom għar-regolaturi biex iżommu lill-kumpaniji tat-teknoloġija kbar responsabbli, inkluż permezz ta’ setgħat tal-awditjar robusti li ma jistgħux faċilment iduru magħhom il-kumpaniji. L-Ewropa m’għandhiex tippermetti li nerġgħu naraw il-fallimenti fl-infurzar li rajna bir-Regolament Ġenerali dwar il-Protezzjoni tad-Data.

L-organizzazzjonijiet tagħna jirrappreżentaw ‘il fuq minn 71,872,881 ċittadin madwar l-UE. Illum, qed nibagħtu messaġġ f’saħħtu: aħna ċ-ċittadini mhux se nittolleraw aktar dan l-attakk korporattiv ma jaqtax fuq ħajjitna u l-libertà tagħna.

Aħna nippretendu u nappellaw lir-rappreżentanti eletti tagħna juru solidarjetà magħna.

Iffirmata,

1. aHang
2. AI Forensics
3. Albanian Media Council (Këshilli Shqiptar i Medias)
4. Alliance4Europe
5. All Out
6. AI Forensics
7. Amnesty Hungary
8. Amnesty International
9. Amnesty International Česká Republika
10. Amnistia Internacional Portugal
11. Associação ILGA Portugal
12. Aufstehn.at
13. Avaaz
14. BeLonG To
15. Betterplace Lab
16. Bilitis Resource Center Foundation
17. Campact
18. Centar za mirovne studije \| Centre for Peace Studies
19. Center for Countering Digital Hate
20. Centre for Research on Multinational Corporations (SOMO)
21. Civil Liberties Union for Europe
22. Coalition For Women In Journalism
23. Compassion in Politics
24. Corporate Europe Observatory
25. Critical Future Tech
26. Cyber Rights Organization
27. D64 (Germany)
28. Daphne Caruana Galizia Foundation
29. Dare to be Grey
30. Data Rights
31. De Goode Zaak
32. Declic
33. Defend Democracy
34. Defesa dos Direitos Digitais
35. Demos
36. DigiQ
37. Disruption Network Lab e.V.
38. Društvo Ženska svetovalnica
39. Ελληνικό Παρατηρητήριο των Συμφωνιών του Ελσίνκι - Greek Helsinki Monitor
40. Eesti Inimõiguste Keskuse
41. Eesti LGBT Ühing
42. Ekō
43. Eticas Foundation
44. Eurochild
45. European Network Against Racism
46. European Public Service Union (EPSU)
47. European Roma Rights Centre
48. European Trade Union Confederation/Confédération Européenne des Syndicats
49. European Youth Forum
50. Fair Vote UK
51. Faith Matters
52. Federación de Consumidores y Usuarios CECU
53. Forum for Equitable Development
54. Foundation for Market Information Research (SOMI)
55. Foxglove
56. Freedom United
57. Friends of the Earth Europe
58. Gays and Lesbians Accepted in Society Foundation
59. Glitch
60. Global Action Plan
61. Global Witness
62. Gong
63. Hate Aid
64. Hexatrust
65. Human Rights Monitoring Institute
66. Inštitut - Marec
67. Institute for Strategic Dialogue
68. International Simultaneous Policy Organisation (ISPO)
69. Irish Council for Civil Liberties
70. KaskoSan Roma Charity
71. Le Mouvement
72. LGBT Deystvie
73. Lie Detectors
74. Lobby Control
75. Mirovni Institute
76. Missing Children Europe
77. Motif
78. Netwerk Democratie
79. Never Again Association / NIGDY WIĘCEJ
80. New Design Congress
81. Open Rights Group
82. Panoptykon Foundation
83. Ranking Digital Rights
84. Rasismin Ja Muukalaispelon Vastainen Yhdistys Ry
85. Reporters Sans Frontières
86. Repubblika
87. She Persisted
88. Skiftet.org
89. Statewatch
90. Stop Climate Chaos
91. Stop Data Porn
92. Stop Funding Heat
93. Super Bloom (formerly Simply Secure)
94. Superrr Lab
95. Tell MAMA
96. The Citizens
97. The Good Lobby
98. The London Story (Netherlands)
99. The Peter Tatchell Foundation
100. The Real Facebook Oversight Board
101. The Signals Network
102. Transparência Internacional Portugal
103. Transparency International EU
104. Transparency International Lithuania
105. Transparency International Nederland
106. Transparent Referendum Initiative
107. Udesin
108. Unblack the Box
109. Unicorns in Tech
110. UNI europa – The European Services Workers Union
111. Uplift
112. VoxPublic
113. Waag
114. WeMove Europe
115. Women in AI (Austria)
116. Women's Lobby of Slovenia
117. World Uyghur Congress (Germany)
118. 0D
119. 5Rights Foundation